ATA a bin ta trahando ariba e programa ‘Ban Serio’, cu ta activo ariba Social Media. Sra. Isha Kock, Proyect Coordinator di ATA ta amplia.
Manera ya ta conoci, e atencion continuo na desaroyo di nos producto turistico na na cuido di nos isla ta critico pa entre otro un desaroyo turistico saludabel y duradero, pero tambe pa bienestar di nos comunidad. Aruba su turismo ta depende di esaki, cual sigur ta evidente basa riba e plan di desaroyo di destino turistico ‘Cu Mira Pa
Futuro’, cual A.T.A. a desaroya na 2017. Pero tambe basa riba e estudio di Capacidad di Carga (cuanto mas por desaroya y con por desaroya) cu A.T.A. a inicia na 2018 y ta finalisando actualmente. Parti importante di e plan ‘Cu Mira pa Futuro’ ta pa inverti den nos producto, y percura pa haci un y tur mas consciente di e retonan y importancia di topiconan manera hospitalidad, seguridad, cultura y nos medio ambiente.
PROGRAMA DI CONSCIENTISACION BAN SERIO!
Tur esaki A.T.A. ta trece dilanti pa medio di e Programa di Conscientisacion cu ta carga e nomber di Ban Serio! A lansa e programa aki aña pasa na September. Pa temporada di Carnaval, Ban Serio! ta pone e enfoke riba nos medio ambiente, e importancia di un Aruba limpi y e cuido di nos naturalesa. Asina Ban Serio! ta uni su mes na movecionnan cu a bin ta tuma luga manera prohibicion di uzo di saco di plastic, y ampliacion di esaki recientemente cu entre otro prohibicion di straw y cup di plastic, pero tambe prohibicion di sunscreen cu ta contene Oxybenzone. E aña aki tur esaki ta den transicion y lo drenta na vigor na 2020. Pa carnaval bao di e capa di ‘LETS TALK TRASH’ lo duna atencion na cuido di nos medio ambiente. Esaki ta encera e “challenge’” cu A.T.A. ta lansa “Pimp my Cup”, unda na un manera dibertido A.T.A. ta duna su granito na tur esfuerso haci, andando. Ta invita un y tur pa uni nan mes na e “challenge’ aki.
Let’s Talk Trash ta un topico hopi hot na e momentonan aki, unda cu medio ambiente di Aruba, unda cu p.e. a introduci un prohibicion di plastic. Pa 1 di januari 2020, e ley lo drenta na vigor pa otro aña. ATA ta sostene y ta pusha pa cierto di e iniciativanan cu ta sigur lo miho pa nos medio ambiente.
E LET’S TALK TRASH, e componente aki lo indica con durante carnaval por crea, como comunidad, cambionan facil den nos manera di celebra Carnaval y asina prohibi e uzo di plastic durante esaki. Un parti di e LET’S TALK TRASH ta unda cu ta activa e campaña
“Pimp my Cup” cu tin duracion di un luna.