CARACAS, Venezuela – Leopoldo Lopez ta na su cas despues di tres aña y mey cera door di e protestanan contra Gobierno di Maduro na 2014. E anuncio a wordo haci door di e presidente Spaño, Mariano Rajoy atrabes di su cuenta riba Twitter.
Minuutnan mas despues a keda conoci cu e medida substitutivo a wordo otorga pa e presidente di e Tribunal Supremo di Husticia, Maikel Moreno.
E escrito di e hues ta bisa asina:
Cu ponencia di e magistrado Maikel Moreno, Sala Penal di Tribunal Supremo di Husticia a avoca di oficio na e causa contra e dirigente Leopolde Lopez, en virtud cu a existi señalamentonan serio di iregularidad riba e distribucion di e expediente na un Tribunal di Ehecucion, di e manera aki y den virtud di informacion ricibi riba e situacion di salud di e dirigente politico, e magistrado ponente Maikel Moreno, a considera ahusta na e derecho di otorga un Medida Humanitario na Lopez, cual a tuma luga diabierna 7 di Juli.
Leopoldo Lopez Gil, tata di Leopoldo Lopez, a confirma cu ya e ta na cas. ‘Mi ta feliz, nos por a papia via telefon despues di dos aña y mey, e ta brasando su yiunan, e ta cu su casa y su mama tabata na caminda, el a bisa.
Gil a bisa den un entrevista cu NTN24 cu autoridadnan di e prizon militar di e pais a lage bay diasabra marduga y na e mesun momento ey el a wordo traslada pa su cas. El a añadi cu nan a pone un armband electronico na e lider politico.
E lider di e movimiento Voluntad Popular (VP) tabata un di e ocnvocantenan di e manifestacio di dia 12 di Februari di 2014 na Caracas, cu a caba cu un saldo di tres morto y decenas di herido.
Pa e hechonan aki, a dicta un orden di captura contra dje, bao di e acusacion di instiga violencia.
Dia 18 di Februari, el a entrega su mes na polis y a wordo cera den e prizon militar di Ramo Verde, pafo di Caracas, acusa pa e delitonan di instigacion publico, asociacion pa delinqui, daño na propiedad y incendio.
Despues di a wordo husga pa e delitonan aki, dia 10 di September di 2015, el a wordo condena na 13 aña, 9 luna y 7 dia di prizon.
Su defensa y e Mesa di Unidad Democratico, cu ta agrupa e oposicion Venezolano, a pidi e anulacion di dicho condena, despues cu un di e fiscalnan a reconoce e uzo di pruebanan falso door di presion di Gobierno.
Sin embargo, na Augustus di 2016 di Corte di Apelacion a ratifica e sentencia y tras un recurso di casacion, dia 16 di Februari di 2017, Tribunal Supremo di Husticia di Venezuela, el a ratifica e condena.
Fuente: www.ntn24.com