NEW DELHI, India- Un leopardo a mata un monhe budista cu tabata meditando den un reserva forestal protegi na India, segun funcionarionan local.
Rahul Walke Bodhi a bay medita den e reserva e mainta di 11 di december ora cu el a wordo mata, segun Santosh Chaudhuri, un funcionario di e Reserva di Tigernan Tadoba Andhari camidna cu e atake a tuma luga.
Bodhi tabata un di e tantisimo monhenan cu ta bishita e area pa un conferencia anual di oracion, AFP a informa.
“El a cay sinta bou di un palo di mata y a wordo ataca pa e leopardo e momento ey”, Chaudhuri a declara na CNN. “E monhe a cana 1 pa 2 km for di e tempel pa e boske unda el a bay medita. Eynan el a wordo ataca. Regularmente e tabata sali bay medita”.
“E leopardonan ta biba den e bosque”, Chauduri a bisa. “E tipo di incidentenan aki ta rara bes ta sosode”.