Leopardo ta ataca y mata un mucha di 2 aña

JOHANNESBURG, Surafrica- Diaranson anochi un leopardo a mata un mucha di 2 aña den e famoso Parke Nacional Kruger di Surafrica, den un di e zonanan reserva pa empleadonan cu ta biba den e parke. Esaki ta segun informacionnan ricibi.
E menor, kende su identidad no ta conoci, tabata yiu di un di e trahadonan di e reserva estatal aki.
“E incidente a tuma luga pa 8 or ora local y cu e mucha a wordo declara morto (despues) pa dokternan di e hospital Shongwe”, e servicion a señala e servicio di Parkenan Natural di Surafrica den un comunicado.
“Nunca ta facil perde un ser keri, specialmente den den circunstancianan tragico asina, mientras cu nos ta yuda conserva nos especienan na beneficio di tur”, e director ehecutivo di e organismo Surafricano, Fundisile Mketeni a afirma.Despues di e suceso, security di e parke a dicidi di mata e animal pa evita mas victima.
Ta calcula cu Kruger ta cas di casi 19 mil animal, entre cual tin mil leopardo, segun e ultimo conteo.
E ta e parke mas grandi di Surafrica y esun cu ta alberga e poblacion di mas grandi di rinoceronte y olifanti, ademas di ta un di e atraccion turistico mas grandi di e pais, cu ricibi un promedio di 1,5 miyon bishitante anualmente.
E leopardo ta e mas solitario entre e felinonan Africano grandi. Nan ta mas silencioso y por yega na pisa entre 60 y 70 kilo.

Comments

comments