Hues comisario a prolonga detencion di Leoncita Arends den caso Avestruz. Esaki a sosode awe mainta.
Manera ley ta prescribi, ora cu un persona tin 10 dia cera, e mester presenta dilanti Hues Comisario pa mira si tin necesidad pa sigui prolonga su detencion. Fiscal y Ministerio Publico a bisa cu nan tin necesidad di mas tempo pa e investigacion y Hues Comisario a bay di acuerdo.
Esaki ta nifica cu a transport’e pa KIA. Aki 8 dia e lo mester presenta atrobe dilanti Hues Comisario si ta prolonga su detencion y esey lo ta cu 60 dia y e siguiente biahanan e lo ta 30 dia cada bes te ora cu e bini dilanti of lague bay cas.
Ninosca Nuñez y Gaby Werleman tambe ta deteni ainda.