Awe den oranan di mainta Landsrecherche a detene e di tres persona den caso Avestruz. Ta trata aki di Leoncita Arends, kende autoridadnan a detene na su cas na Sero Blanco.
Den oranan di mainta funcionarionan di Landsrecherche a yega cu un grupo di Recherche y a informa Arends cu e ta deteni den investigacion di caso Avestruz. Diadomingo a detene su yiu muhe R. Richardson na momento cu el a yega Aruba for di Miami. Dialuna a detene Jeff Franken y awe Arends. E tereno y e companianan cu ta bou investigacion ta riba nan nomber.
Caso Avestrus ta avansando ta trata di bentanan iregular di tereno cu a tuma luga bou maneho di AVP, entre 2013 pa 2017 bou e minister Benny Sevinger.
Probalemente den e dianan cu ta sigui lo tin mas detencion.