Prome Politico mas hoben pa 2021 ta bandona e partido Accion 21 pa falta di Liderasco
Pa medio di es carta aki mi ta informa directiva y tambe Partijraad cu mi persona Leonardo R. Figaroa ta retira y tuma distancia for di e organisacion politico Accion21.
Mi persona ta tuma e tempo pa elabora dicon mi persona ta retirando for di Partido;
1. Accusationan falso
a. Mi persona a keda acusa di a horta 1000 florin y te dia di awe e accusacion falso lansa en contra di mi persona nunca a keda atendi door di directiva of lider di Partido, pa es motibo Partido a boycott mi persona for di e debate di Votapaken. Un accusacion di e magnitud aki mi ta haya inacceptabel mirando e esfuerso duro cu mi a haci como un studiante cu 0 florin so riba su cuenta di banco pa organisa 2 fundraising pa por recauda fondo pa cubri gastonan di campaña cu mi persona tabatatin.
2. Possibel schorsing contra mi persona;
a. Mi persona a recibi di Sra, Hart como secretaria di directiva un mensahe via watsapp 30 di juni 2021 unda cu ta yama mi persona pa un reunion. Mi a dicidi di corta tur communicacion cu Sra. Hart y a scirbi un email pa directiva 1 di juli 2021 unda mi persona a peticiona lo siguiente;
– Un invitacion official via mail segun Articulo 8 suciso 5d ta prescribe
– Agendapunt pa cu e reunion
– Un carta splicando e motibo pa e schorsing basa riba articulonan di Statuten di Accion21 of Huishoudelijke Reglement
– Notulen di e reunion di directiva unda a discuti e schorsing di mi persona y tambe “motivering” splicacion regardando e reunion cu a keda teni
Mi persona a manda un mail disculpando mi persona pa no por ta presente mirando un compromiso cu mi tabatatin pero a peticion un reunion di directiva pa e siguiente dialuna 5 di juli 2021 y no a recibi ningun contesta. Mi a peticiona e siguiente agendapunten y mi a informa di lo ta treciendo mi conseho Adelante.
1. Maneho di lider di Partido
2. Situacionan irregular
3. Sacamento for di groupchat di Partijraad (sin motibo)
4. Possibel “bezwaarschirft”
Te dia di awe ainda mi persona ta en espera pa e reunion cu mi a peticiona. Mi ta kere esaki ta un falta di respect y mentira mirando e hecho cu kier purba dialoga pa yega na solucion y no ta yama e reunion peticiona pami persona.
4. Maneho di Lider di Partido
a) E ta inacceptabel pami cu un lider di Partido ta expresa su mes asina malo di candidatonan yamando nan “pathological liars” y abiertamente den partijraad ta papia di un forma hopi baho di un miembro di Partido. Ta inacceptabel pami cu un lider di Partido ta bisa den un partijraad cu e no tin confiansa den un miembro cu ta Sra. Lejeuz y no ta purba na drecha e relacion.
b) E ta inacceptabel cu un lider di Partido ta expresa su mes di tal forma yamando mi persona un “pathological liar” y bisando cu mi mester busca ayudo psychologico pasobra mi tin un differencia di opinion cu su maneho.
c) Ta inacceptabel cu despues di eleccion lider di Partido ta haci expressionan unda cu Partijraad ainda no a dicidi kico lo ta e futuro di Accion21. Si nos lo ta formando parti di gobierno of no. Articulo 11 suciso 1 ta bisa esaki, riba diasabra anochi Sr. Mansur a haci expressionan sin cu Partijraad a haya un espacio pa discuti esakinan y riba di 2 di juli a tene un conferencia di prensa un biaha mas sin tin claridad ainda riba e asunto di impasse cu mi persona, Sra. Lejeuz y Partido
d) Ta inacceptabel cu un Lider di Partido ta manda un watsapp 1 di juli 2021 na enfoke 90 pa Sr. Andrande y Sr. Paskel informando nan persona cu Partido ta hacienda un Schoonschip, esaki ta informacion treci padilanti di un manera hopi informal y mahos y un biaha mas violando articulo 11 suciso 1 unda ta haci apparencianan publico den nomber di Accion21 sin consulta cu Partijraad
e) Ta inacceptabel cu Sr. Mansur no a retira como presidente di directiva asina violando articulo 12 suciso 12, mirando cu su persona a postula su mes riba un lista politico esaki no mag
5. Violacion di Statuten
3. Presidente di bestuur a viola statutonan di Partido na Varios occasion
a. No a sigui Articulo 8 suciso 1,2,3 & 4 di e statuten indicando e proceso con Partido ta haya miembro. Esey ta haci cu awe Accion21 no tin ningun miembro formando parti di e organisacion solamente Sr. Mansur y Sr. Chemali.
b. Partijraad di 18 di juni 2021 ta keda yama door di Srta. Hoffer cu ta campaign Manager y no un persona cu tin e derecho pa yama un reunion di Partijraad.
c. Presidente di Bestuur no a yama reunion regular di bestuur manera ta keda describi den articulo 15 suciso 1. Reunionan di bestuur ta keda notula segun articulo 15 suciso 9 y esaki te dia di awe ningun miembro di Partijraad por haya bek.
d. Partido Accion21 te dia di awe 5 di juli 2021 no tin ningun miembro. Esaki ta un violacion grandi cu directiva di Accion21 a haci violando articulo 8 suciso 1,2,3 & 4 ki implicationan esaki tin
– Sr. Mansur a pone tur persona firma un Non-disclosure Agreement como un rekesito pa forma parti di Partido, esaki no tin valides no tin un “wettelijke grondslag” mirando cu mi persona no ta un miembro y tampoco a firma y entrega un carta asina ki violando articulo 17 suciso 4.
– Mirando cu Partido tabata tin 2 miembro so cu a keda ancra den e articulo 27 cu ta “Algemene Bepaling” mi persona por conclui cu tur reunion yama ta nulo mirando cu Partijraad prome cu 25 di juni 2021 no a keda forma door di miembro di Partido mirando e fayo barbaro cu bestuur a haci.
Mi por conclui cu despues di 25 di juni 2021 tur candidato formando parti di Accion21 a bira miembro conforme articulo 11 suciso 2c.
Pa mi persona e ta un principio grandi pa tin regla, mirando con Bestuur, lider di Partido ta actua di un forma hopi arrogante y hostiel segun mi opinion dirigiendo su mes na mi persona y tambe otro miembronan di Partido mi persona no por sigui sostene e sorto di liderasgo akinan. Mi a peticiona bestuur den un mail manda 30 di juni 2021 pa pidi Sr. Mansur pa hinca mesun hopi energia den purba saca mi persona cu Sra. Lejeuz den negocia pa hiba pais ariba padilanto. Pero ki lastima cu Sr. Mansur a desplega un liderasgo unda cu awe den partijraad casi mi por sinti cu mi 190 votonan no ta conta.
Mi por conclui cu bestuur a comete un fayo grandi y mi ta spera cu nan por drecha esaki lo mas pronto cu ta possibel. Desde awe mi persona no ta forma parti mas di e directiva di Accion21. Pa e forma con a tratami, y tambe rebaha otro candidatonan.
Mirando tur e puntonan aki riba menciona mi persona ta tuma retiro di Accion21 y no lo sostene Accion21 mas.
Deseando Partido hopi forsa y sabiduria y mi ta spera cu aworakinan cu ami persona no tey mas mirando cu mi ta un estorbo segun mi a conprende cu Accion21 por hiba Aruba dilanti segun e programma di Partido cu ami a yuda crea y traha duro pele.
Un lider berdadero no ta rebaha sino eleva.