Na Hooiberg a bin haya un restaurant ta uza parti di un caminda publico como un dump pa sushi y ta laga e awa di pos sali bay riba caminda pa cual aki Leo Gomes, di Bureau City Inspector ta splica kico ta e pasonan cu lo bay tuma pa cu esaki.
Nan a constata un tubo cu ta saca sushi tambe riba caminda publico. Pa ley Gomes a splica cu esaki ta castigabel. Loke cu City Inspector ta haci, ta duna e departamentonan concerni e informacion di loke a sosode na e luga. Den e caso aki a yega di bay e luga aki den pasado pa e situacion aki. Sigur dos biaha a bay eynan y te ainda nada no a wordo haci.
E proceso lo ta cu tin cu bay drenta den nan oficina, pone e otro departamentonan na altura, kico ta sosodiendo na e luga y laga nan bay na e sitio, mira e situacion tambe pa asina aki nan por papia tambe cu e doño pa asina wak si nan ta haya un multa si of no. Sigur polis di bario ta envolvi den dje. Nan tambe tin cu bin y pone e nan na altura pa asina nan por acerca e hendenan aki. Tin un baki di sushi cu ta na un distancia for di un edificio, y ta riba un caminda publico, buta hopi cerca. Si ta un tiki mas aden ta comprendibel. Pero un meter of un meter y mey for di caminda principal den un bocht, e ta keda un situacion no mucho agradabel pa hende.
Segun Gomes, e doño di e compania ta pone riba peticion di e doño di negoshi kier. Segun cu tin di compronde, ultimo cu tabata sinta na mesa cu hendenan di Ecotech, hopi ta pidi un piso limpi pa pone un caminda special. E baki en cuestion, no ta cumpli cu nada di loke ta pidi.
Na e sitio por a mira zim, palo, y den e dianan aki tambe por tende cu tin un tempo cu biento cu por acerca Aruba y esaki ta bay direccion pabao, causando un peliger pa e habitantenan. Como Bureau City Inspector ta kere cu higiena di un luga di cuminda mester ta prioridad pa nos tur.