E aña aki, den cuadro di dia di prensa, e exposicon di Lens di mi Wowonan lo bay tuma luga dia 27 di Augustus, pa di 9 aña. Leo Vrolijk, e organisado a splica mas di e evento e dia aki.
E exposicion aki ta danki na RBC, cu ta kere den proyecto di Vrolijk. E aña aki e exposicion ta na Biblioteca Nacional, y lo habri pa 7’or y mey di anochi. Vrolijk a gradici tur colega di prensa cu a manda potret y cu ta contribui na e exposicion. Como di 9 aña, a dicidi e aña aki, hunto cu un grupo cu ta haci tur aña ta dedik’e na 3 hende muhe. Un di nan cu algun luna pasa a haci 30 aña trahando den prensa, kende ta Maritza Maduro, tambe Gina Werleman-Burleson y tambe Debby Kelly. Antes den prensa como fotografo, bo no tabata hay’e un trabou cu un hende muhe tabata haci. Nan tabata bisa cu ta un trabao di hende homber, pero a mira cu tempo ta pasa, cos ta cambia y pafo tambe tin hende muhe ta traha como tanto fotografo, camarawoman y e aña aki a dicidi pa dedik’e na nan tres.
Entrante dialuna, dia 29 di Augustus, e exposicion aki ta habri na Biblioteca durante oranan normal di oficina. Tin 135 potret. Tin tur topico exponi. Tin potret cu a yega laat, esunnan cu a wordo saca durante Olimpiada. E ta hopi bunita pa mira. Con e fotografia a bira y con e hendenan ta wak’e.
Loke cu Vrolijk a haya hopi ta cu ultimo aña aki, ta cu si mira tur e hobennan cu ta participa, un cos cu ta mira composicion di shots a drenta masha hopi. Cada shot ta bira un shot artistico. Pa Vrolijk e ta mas complica, pasobra si bisa cu a haya rond di 300 potret, pero a yega te na 135. E ta bay tambe pa e espacio cu a scoge e aña aki y e calidad di e potretnan.
Pa loke ta evaluacion di e potretnan, bo tin potretnan di prensa, demostracion, potret di brandweer, etc. Bo por mira con e composicion di shotnan ta, esey ta importante. Vrolijk no ta cla ainda pa loke ta video y ta trahando dos aña riba e proyecto aki, pero ta purba pa otro aña, ora haci 10 aña si por hinca video aden tambe Vrolijk a splica.
