Awor cu tin un ley pa cuido di nos grandinan, a acerca sra Lenny Geervliet, kende ta hefe di e departamento di cuido di hende grandi na Departamento di Salubridad Publico pa splica ki paso nan lo bay tuma pa wak si berdad ta cumpli cu e reglanan. Den e cuadro ey ta bezig cu un nulmeting. E nulmeting ta bay mustra ki nivel di cuido, ki calidad di cuido riba diferente tereno tin actualmente na Aruba. Sin kita sin pone wak kico tin. For di eynan ta bay wak cu e ley ta exigi cierto cosnan mas miho y ta duna un tempo. Pa cada cas ta duna kico falta, segun e nulmeting. Tambe a cuminsa un trayecto cu tur e casnan di cuido. A haci un reunion caminda cu minister mes a splica su maneho pa e añanan cu ta bin. E di dos, cual lo ta otro siman, ta bay ta un reunion caminda cu ta bay trata e tema di siguridad. Den caso di calamidad, den caso di candela. Nan ta haya informacion den forma di charla y presentacion y asina ta purba di sostene. Un cos por bisa, tur e casnan ta traha cu nan curason. Manera na Oasis, pero tin leynan di labor, tin leynan di higiena, tin diferente aspecto y e parti di calidad ta algo cu semper ta keda no asina bon. No por midie asina bon. Pesey ta desaroyando e meting pa wak con nan ta cumpli cu e calidad di cuido, segun Geervliet.