Lenny Geervliet, kende ta hefe di e departamento di cuido di hende grandi na Departamento di Salubridad Publico, kende a comenta cu na e momento cu a bay na cas di anciano Oasis, cual tabata riba diadomingo mainta di siman pasa. E luga tabata hopi trankilo. Geervliet a sinta papia cu esun encarga cu e luga y pa Departamento di Salud Publico, e preocupacion di mas grandi pa si e hendenan cu tey, e grandinan cu tey eynan, cu si nan tin suficiente hende pa cuida nan. E encargado a bisa cu esey ta e caso. E mes tey 24/7 na e sitio. E ta biba eynan tambe y e tabata tin dos hende mas riba e vloer cu tabata yud’e.
Eynan Salud Publico a keda trankil y e luga por continua. Den siman cu a pasa, net esey a cay bunita hunto. Den e Departamento di Cuido di Anciano ta bezig cu un asina yama nul-meting y esey tin di haber cu e ley nobo cu a bin na vigor dia 1 di Augustus cu a pasa, cu ta stipula hopi mas rekisito, hopi mas regla tambe pa un hende cu kier habri un cas pa cuido di grandi. Esey lo wordo implimenta entrante dia 1 di Januari 2017, pasobra ya logicamente bo tin cu duna esnan cu ta existi un tempo pa nan por yega na cumpli cu tur locual ta exigi den ley, segun Geervliet.