BEIJING, China- Un leidster na un crèche a keda deteni den e provincia Henan pa supuestamente a venena 23 mucha.
Segun e portal Global Times, siman pasa e muhe identifica como Wang a venena e cuminda di e muchanan cu’n nitrito, un substancia kimico uza den fertilisante. E menornan a cuminsa saca y algun di nan a hasta cay flauw, pa cual nan a wordo interna den hospital.
Mayoria di e 23 muchanan ya caba por a bay cas, pero un di nan ta interna ainda cu sintomanan severo. Shete otro mucha mas ta interna pa observacion.
Informenan preliminar ta mustra cu e leidster lo a venena e muchanan como vengansa riba un di su coleganan. Sobre exposicion na nitrito, un puiro blanco uza normalmente den fertilisante, pro ta toxico y incluso fatal pa sernan humano.