Legislador di Camara Baho di Argentina a aproba un proyecto di ley cu lo legalisa e aborto te cu e siman 14 di embaraso. Un propuesta di e presidente Alberto Fernandez, esaki ta bin despues di demanda di activista pa derecho di hende muhe den e patria di Papa Francisco.
E proyecto di ley ainda mester aprobacion di senado di e pais pa un debate cu lo spera prome cu fin di aña. E propuesta di ley a keda aproba na un votacion di 131 – 117 cu seis abstencion despues di un debate maratonico cu extende for di diahuebs te cu diabierna madruga.