Legendario actriz di Hollywood Doris Day a fayece

Los Angeles – E actriz di Hollywood Doris Day a fayece awe dialuna, na edad di 97 aña. Esaki segun representantenan di su fundacion.
E Doris Day Animal Foundation a confirma awe cu Day a muri den oranan trempan di mainta na su cas na Carmel Valley, California. E fundacion a indica cu e tabata rondona door di amigonan cercano cu e “tabata tin un salud fisico excelente pa su edad, te ora cu poco tempo pasa el a haya neumonia”.

E tabata conoci pa su voz suave, y su dramanan den cine, musical y comedia a haci di dje un di e miho streanan di cine di añanan 50 y 60. E tabata tambe un di e actriznan mas popular di historia.

Comments

comments