MIAMI, Florida – E Centro Nacional di Horcan di Merca, a informa cu e tormenta tropical Lee a forma diasabra den awa habri di e cuenca Atlantico, west-zuidwest di e islanan Cabo Verde, dilanti di e costa noordwest Africano, sin cu pone na e momentonan aki ningun problema pa zonanan pobla.
E tormenta aki ta presenta bientonan maximo sosteni di 40 miya pa ora, cu rachanan mas fuerte y ta spera poco cambio den su intensidad pa e proximo dos dianan, segun e agencia EFE.
E tormenta tropical ta move west riba 12 miya pa ora y ta 655 miya west-zuidwest di e islanan Cabo Verde, den awanan habri di Atlantico.
Meteorologonan di e Centro Nacional di Horcan Mericano, ta pronostica un movimiento cu direccion west-noordwest den e proximo 48 oranan y un reduccion di velocidad.
Fuente: www.ntn24.com