ZUTPHEN, Hulanda – Laptop di un trahado di un compania cu ta regla asuntonan di belasting pa gemeente, a wordo horta siman pasa diaranson. Den e laptop tin aparentemente dato di habitante y companianan den gemeente desde 2015 cu e compania ta traha. Zutphen y Venray a haci e melding dialuna mainta di posibel liekmento di informacion.
E doño di e laptop no por garantisa cu tur lista a wordo kita. Pasobra cu e compania ta traha pa otro gemeente, ta posibel cu mas luga a sufri daño.
Ta trata aki di nomber, adres, fecha di nacimento, cifra di servicio pa habitante y inscripcion di compania. Cu un cifra di servicio pa habitante y datonan personal un persona por ehempel por haci peticionnan inhusto di pago.
E gemeente a habri un number di telefon special pa esnan cu tin pregunta riba ladronicia di informacion. Tin keho a wordo haci cerca “Autoriteit Persoonsgegevens.” Zutphen no ta traha mas cu dicho compania y ta lamenta cu e datonan personal a keda riba laptop di e compania.
Fuente: De Telegraaf