Riba dialuna, 23 di Januari 2017, a tuma luga e lansamento oficial di e di 9 kalender di parha di Aruba Birdlife Conservation. Hilton Aruba Caribbean Resort and Casino ta e patrocinado di e kalender di parha 2017. Esaki ta e di dos biaha cu Hilton a sponsor e kalender di naturalesa aki.
E biaha aki ta tin un aspecto nobo pa cu e participacion den e kalender. E kalender ta consisti di 13 potret di parha, tur saca na Aruba, cu ta contribucionnan di no menos cu 10 fotografo di naturalesa, bou di cual Sven Oversteegen ta esun mas jong cu su 12 aña di edad.
E kalendernan ta wordo bendi na AWG. 15 florin y locual wordo genera ta bay 100% pa e fundacion Aruba Birdlife Conservation. Por lo pronto nan por wordo cumpra na Huchada na Santa Cruz y na Best Deal na Paradera.
Riba e potret e momento cu Sr. Hans-Georg Roehrbrein, e General Manager di Hilton, a presenta e boluntarionan cu e kalender nobo.