E siman aki a tuma luga un lansamento di un website nobo pa derecho di mucha pa cual aki Sra. Glenda Hernandez director di Departamento di Asunto Social a splica mas di e desaroyonan aki.
Directora di Departamento di Asuntonan Social ta sumamente contento cu e lansamento di e website di Derecho di Mucha. Esaki ta un logro masha grandi mas, pa por sigui riba e caminda di enfoca riba Tratado di Derecho di Mucha.
Tambe Sra. Hernandez a duna palabra di gradicimento, na miembronan di Derecho di Mucha, cu a traha tres aña largo tras di portanan cera, te cu a yega na e momento aki. Departamento di Asuntonan Social, a presidi e trabaonan aki, bou guia di Sra. Sacha Geerman, pa e perseverancia pa e trabaonan haci. A yega hopi leu cu Derechonan di Mucha aki na Aruba.
No ta asina cu no tabata tin un website den pasado, pero e comision a drech’e, trece dilanti y haci;e nobo pa e organisacionnan por haci uzo di dje. Tambe Sra. Hernandez pa promove e Tratado di Derecho di Mucha, tin hopi organisacionnan presente, cu tambe ta traha cu nan cu e meta aki. Departamento di Asuntonan Social ta invita tur hende pa haci uzo di e website pa promove Derecho di Mucha.
Derecho di Mucha, segun Sra. Hernandez, niun hende no por touch na dje, tur hende mester traha ariba dje, ya cu no por su mes. Derecho di Mucha ta esencial den e bida humano di cada mucha aki na Aruba y cada mayor, cada adulto mester traha ariba dje.
Sra. Hernandez ta desea e Comision di Derecho di Mucha pa nan logro y tambe Aruba pa nan website pa Derecho di Mucha. E website ta yuda haci e informacion mas accesibel, tocante derecho di mucha y tocante situacion aki na Aruba.
Aki na Aruba tin diferente cultura, y mester bay un tiki mas aleu cu;n website, un programa mas destina pa duna mas informacion na e gruponan ariba e tereno aki. Como Departamento di Asuntonan Social tin ideanan tocante esaki. Aworaki e ta den fase di aspiracion, pa bin cu’n localidad pa hoben y mayornan, pa siñanan tocante e ofishi mas dificil cu tin, cual ta con pa cria un yiu. Esey ta loke Departamento di Asuntonan Social kier mira realisa, den e añanan cu ta bin. Esey kiermen cu, eigenlijk bo ta creando un loket pa mayornan, pa hobennan, pa muchanan, unda ta duna informacion, unda mayornan ta welcome. Pero esaki ta loke Departamento di Asuntonan Social kier wak wordo realisa den e proximo añanan, segun Sra. Glenda Hernandez, directora di Departamento di Asuntonan Social.