Yena cu anticipacion y entusiasmo, e prome studiantenan di e Double Degree Master Programme den Ley di Belasting Internacional y Europeo ta atendiendo e prome reunion di grupo di e aña academico 2016-2017.
E programa prestigioso ta e resultado di e cooperacion intensivo entre Maastricht University y University di Aruba y a wordo ricibi bon pa e Gobierno di tanto Aruba y Hulanda.
Riba dialuna, dia 5 di September, e Minister di Finansas y Organisacion di Gobierno di Aruba, Angel R. Bermudez, hunto cu profesor Anouk Bollen-Vandenboorn di Maastricht University, tambe Director di e Double Degree Master Programme, formalmente a lansa e programa.
Educacion ta wordo provee pa un grupo internacional di dunadonan di charla y profesornan entre otro Alemania, Hulanda, Brazil, Merca, Venezuela y Aruba.
E programa ta enfoca riba studiante y profesionalnan kendenan ya caba ta trahando of kier traha den un ambiente internacional y ta provee experticio den un playing field di belasting internacional, haciendo conexion cu ley di belasting Europeo y haciendo esaki for di un perspectiva internacional, cu un enfoke particular riba e sistema di belasting den e region Caribense y Latino America.
Durante e aña, e siguiente modulenan lo wordo ofreci:
– Comparative Corporate Taxation
– Comparative Dutch Caribbean and Latin American Tax Law
– International and European Tax Law
– International Taxation of Business Income
– US Tax Law
– International Tax Planning and Transfer Pricing
– Global and EU Perspectives on Consumption Taxes
– Cross-Border Taxation of Human Capital
E programa ta cuminsa tur aña na September. Sinembargo, por fabor nota cu e modulenan aki tambe por wordo sigui independientemente como un curso.
Si bo tin cualkier pregunta of comentario, por tuma contacto cu e coordinador di e DDP Programme na Aruba: Sandy P. van Thol ([email protected]). Registracion pa e aña academico 2017-2018 ya caba ta habri. Pa mas informacion por wordo haya ta: www.maastrichtuniversity.nl/law/aruba