HONOLULU, Hawaii- E horcan Lane, actualmente di categoria 3, ta lagando precipitacionnan na Hawaii cu ta forma peliger pa e poblacion. Ta spera bientonan mas fuerte di e tormenta asota algun di e islanan di e archipielago diabierna, segun medionan Mericano ta informa.
Lane ya caba a genera deslisamento di tera y inundacionnan den algun parti di e Big Island, mientras cu e resto di e islanan ta premira cu lo sufri consecuencianan similar e fin di siman aki.
E centro di e horcan “ta acercando peligrosamente” of incluso lo por impacta diabierna anochi den zonanan di e isla Oahu, Maui, Lanai y Molokai, segun e Centro di Horcan di Pacifico Central ta adverti. E condicionnan di e horcan, incluyendo bientonan di al menos 120 km/h lo por keda registra diabierna.
Den caso cu e subi tera, e lo bira e prome horan di e temporada den haci esaki na Hawaii den e ultimo 26 añanan, desde cu Iniki a golpia e isla di Kauai na 1992, lagando 6 persona morto, causando dañonan di biyones di dollar.