Relaciona cu un caso grandi bou investigacion andando pa basta tempo landsrecherche y rst diamars mainta bou ordo di fiscal a drenta por lo menos 3 cas pareu. Tanto na San Nicolas, Savaneta na cas di ex minister y na Alto Vista.
Ta trata di ex minister di transporte y ex minister cu tabata consehero di e minister cu a duna conseho na cosnan cu lo a pasa durante contractnan durante Gabinete Wever 1.
Ministerio publico a confirma 4 adres. na cas di Eddie Briesen, Chris Romero,
E.Koolman cu ta director di corant digital cu a keda cumpra aña pasa y un otro cas mas. Tur esaki debi na contractonan dudoso pa biding di cargacion di bus.
Momento cu a termina na cas di Koolman na Butucu, recherchenan a pone tanto e Eumar Koolman cu su señor den auto y bay cu nan rumbo Avenida Milio Croes na e oficina cu nan lo tin Awemainta y a tene un entrada hudicial tambe na e corant pa busca documentonan cu Koolman su compania di consultancy cu lo por tin relaciona cu e caso grandi aki bou investigacion. Manera ministerio publico a informa esaki ta e prome paso investigacion andando, y despues no por descarta cu por tin detencionnan di e caso grandi aki.