Diabierna pa mas o menos 10:48 anochi e radar kamer di Aruba a tuma nota di un contacto yegando Aruba for di direccion zuid di biaha a notifica helicopter di polis, kustwacht RCC na Curacao pa mira riba nan radar tambe. A mobilisa unidadnan pa e sitio. A rondona Seroe Colorado cu varios polis, arumil y miembronan di kazerne. Helicopter di polis tambe den laira tabata guia e polisnan na tera y asina a logra capta varios jerrycan y tambe bultonan di droga cu a keda laga na canto. Un buskeda a logra gara 8 ilegal. Departamento di crimen organisa tambe a yega na e sitio a tuma tur cos den beslag y a bay warda y departamento forensico a saca potret pa tin como evidencia. Un tremendo trabou na e polisnan di kust, San Nicolas y e team di helicopter cu a actua basta lihe cu ayudo di otro miembronan.