Diadomingo pasa di 1 or merdia un pareha turista gosando di nan vakantie aki na Aruba a bay panort di kapel di Alto Vista bay wak un grupo di persona ta surf ya cu tempo tabata cera y basta awa tabata cay e momento ey. E pareha a baha for di nan auto un rato y manera cu awa a cuminsa basha bek a dicidi pa bay sinta den e auto, y algun seconde despues un lamper a dal nan a mira solamente luz pa despues e spiel y e plastic cu tin e luz paden wanta a bula y dal e homber den su man. Huma a bolter den e auto a pone cu ambos a sali na careda y un persona local cu tabata offroad a topa e pareha y bati alarma na autoridad. A constata cu e lamper a dal den e antena cu tin riba e dak di e auto y causa e daño. Polis a presenta y tuma dato di e caso.