Debi na e resto di efectonan di e horcan Matthew diamars, mainta e labaderanan den lama a bira basta bruto cu a pone cu calco y streanan di lama a subi tera na Malmok y Arashi. Philip Merryweather di Philip’s Animal Garden, a splica ki accion nan lo tuma pa yuda boluntariamente pa salba e bestianan aki.
Hendenan a cuminsa bisa riba facebook cu strea ta subi tera. Awor aki a cuminsa acumula tur e streanan y removenan for di camindanan cu no ta adecua cu nan.
A tiranan den awa caminda cu ta hopi mas trankil. Banda di Malmok, Boca Catalina, Arashi, ta hopi bruto, pero tin otro camindanan cu ta mas trankil cu nan por a relocate e streanan di lama.
Esaki ta debi cu e lama a bira bruto banda panort, caminda cu ta mas calmo. A bin haya e streanan riba tera y hasta por bisa cu algun di nan ta morto.
Segun Merryweather, e streanan di lama ta bestianan hopi delicado, no manera e calconan, cu ta mas fuerte. Lama ta tira nan, bolternan, a haya algun di nan coba bao di baranca, tira riba beach. Baranca ta lora bin riba nan y kibranan.
Awor aki nan tin 200 calco chikito cu zeekat, cu ta bay wordo benta na awa, cual ta e unico opcion y no por benta nan den un pool. Na Aruba no tin un tipo di pool asina di awa salo. Pesey mes nan mester wordo benta na lama, segun Merryweather.