For di un perspectiva empresarial, soledad por ta algo cu hopi biaha ta keda ignora, particularmente cu e tendencia creciente di trabou hibrido aña pasa, E Organisacion Mundial di salud (WHO) a declara cu soledad ta un menasa urgente pa salud mundial.
Investigacion a demostra cu e ta presenta e mesun riesgo pa salud cu 15 sigaria pa dia. Segun ONS, entre januari y februari 2024, un di cada cuater adulto den Reino Uni a informa di ta sinti nan mes so. E gobierno ta calcula cu e costo di soledad severo pa persona ta mas o menos £10,000 pa aña como resultado di su impacto riba bienestar, salud y productividad.
For di un perspectiva empresarial, e problema aki por ta algo cu hopi biaha ta keda ignora, particularmente cu e tendencia creciente di trabou hibrido. Den un luga di trabou conecta, e empleadonan ta sinti nan mes balora, apoya y motiva.
Mientras cu e balansa entre bida laboral y personal ta hunga un rol importante, ta importante pa reconoce cu pa hopi, e luga di trabou por ta un fuente substancial di nan conexion semanal cu otro hende. Coincidiendo cu e dia di Conscientisacion di salud Emocional diasabra, MillerKnoll, un fabricante di mueble, experto den diseño y specialista den strategia laboral, ta describi algun solucion clave cu e empleadonan mester considera pa apoya nan ekipo, haciendo nan sinti nan mas conecta y menos nan so.
E ta crea un strategia cu ta duna prioridad n’e empleadonan: e prome paso crucial p’e empresanan ta crea un strategia di luga di trabou bon pensa. Como cu e empresanan ta scucha activamente e necesidad y expectativanan di e empleadonan y ta traha hunto cu nan, nan por cultiva un ambiente di trabou atractivo. E enfoke aki por transforma e luga di trabou den un espacio pa hende ta dispuesto pa biaha tur dia, fomentando oportunidad di socialisacion y aliviando sentimento di soledad. Segun cu empleadonan ta haya mas y mas cu e oficina ta un comunidad acogedor y solidario, naturalmente nan lo inclina na dje, fortaleciendo e relacionnan n’e luga di trabou como resultado.
E ta ofrece oportunidad pa conecta: Organisa evento social, actividad di formacion di ekipo y oportunidad pa establece contacto despues di trabou ta facilita conexion social y ta fortalece relacion entre ekipo. Promove colaboracion via workshop of sesion di brainstorming tambe ta crea oportunidad pa un intercucion significante y creacion di relacion pafo di un dia di trabou structura.
Diseña espacio cu impacto: Designa area comun, manera espacio di trabou comparti, sala di descanso y lunch, of luga di reunion informal, manera salon, por fomenta conexion espontaneo y improvisa y momento social cu por yuda impulsa innovacion, espacio pa explora idea nobo hunto y forma e cultura di e team. Ora di diseña oficina, dunado di trabou mester wak mas leu cu e desktop y e stoelnan: e espacionan aki ta sirbi como centro pa union di ekipo, fomentando un sentido di camaraderia y pertenencia entre colega.
Implementa sistema di amigo: Ningun empleado ta igual y no tur lo ta extrovert y confia pa socialisa cu nan ekipo. Pa ‘match’ e empleadonan nobo cu e miembronan experto di e team ta un forma util pa facilita tutor, e liña di apoyo y integracion den un cultura nobo di e compania.
Iniciativa di bienestar: For di e klasnan di grupo di condicionamento fisico manera yoga y sesionnan di atencion completo te cu e retonan di bienestar y grupo di recurso pa empleado, manera canal di liderazgo femenino, e iniciativanan aki ta fomenta un comunidad di apoyo enfoca riba obhetivo comparti. Integracion di programa y iniciativa di bienestar na luga di trabou ta promove bienestar holistico y ta fortalece conexion social entre e empleadonan. Tambe e ta permiti conexion cu e otro empleadonan cu hende por no tin e oportunidad di traha cu nan tur dia.
Mark Catchlove, Director Global Insight Group di MillerKnoll, ta bisa: “Memey di e epidemia di soledad, e dunado di trabou mester duna prioridad na creacion di espacio y oportunidad p;e ekipo sinti nan conecta. Conexion ta, den ultimo instante, un necesidad humano basico. Hende ta anhela un sentido di pertenencia, specialmente na luga di trabou, pero e conexion tambe ta complica. For di nos experiencia trahando cu empresa di industria manera servicio legal, educativo y financiero, nos ta compronde cu mantene un cultura bon conecta caminda hende ta sinti nan mes menos so ta rekeri un evaluacion, planificacion y atencion constante.”