Diahuebs marduga alarma a keda activa na Boc Gas situa na Balashi otro banda di Web nv, na yegada di e compania di seguridad y polis a topa cu e cura di hero destrui. E porta di e luga na entrada tambe a keda destrui ta unda cu e ladronnan lo a drenta den e luga pa yega na e caha fuerte.
Nan a bay cu tambe un mashin di welder di por lo menos 7000 florin su balor ta. E suma di placa den e caha fuerte no ta conoci ainda, pero recherche a presenta pa tuma datos y haci nan investigacion hunto cu departamento foresncio. Durante dia polis a keda informa cu tin un auto bandona laga atras na e cas bieu na Cas Paloma, na yegada di patruya a topa cu un nissan pickup cora y un caha fuerte aden habri cu tabata di e ladronicia di diahuebs marduga. E pickup ta un vehiculo cu tambe a keda horta den marduga for dilanti di un cas.