Diaranson anochi a drenta e informe cu un polis a keda tira na un cas na General Mayor de Bruinewijk na Savaneta di biaha a despacha unidadnan policial cu urgencia. A constata cu e polis na civil a capta dos homber a bay pa drenta un cas pa horta y a bay pa garanan.
Den esaki e ladronnan a los tiro den direccion di e polis y tira den su pia. E polis masculino a haya un tiro den pia y ambulance a presenta di biaha atende cu e victima y keda transporta pa hospital pa haya atencion medico.
Recherchenan y hefenan di Polis a yega di biaha na unda e sucedido a pasa. Tabata tin mas polis cu tabata busca e sospechoso den bisindario, na un cas na Savaneta a gara un di e sospechosonan di fam H. E di dos sospechoso no por a haye a tene un buskeda grandi den e bisindario. Despues di rato autoridad ta presenta na un cas na Brazil y asina haci detencion di e di dos sospechoso. Di biaha a tene un entrada hudicial na e cas y listra full e cura.