Central a manda patruya di Noord pa Hospital, na altura di e container park pa un caso di ladronicia. Eynan a papia cu e persona encarga di Croon Caribe, e homber yama A., kende a declara cu e tabata na caminda pa cas y a tuma e caminda band di Hospital na altura di e container park. A. a mira cu un container tabata habri. A. a dicidi pa bay controla esaki. El a mira cu desconocidonan a kibra e slot di e porta di e container pazuid. Tambe a mira cu e slot tabata benta abao. El a constata cu varios articulo y tools a wordo horta for di e containter aki. Ademas di e container banda pazuid, tambe e e deposito situa banda panort a wordo habri door cu desconocidonan lo a corta e slot y a drenta paden.
Dialuna e encargado di e magazijn lo bay entrega un lista di articulonan horta na warda di polis. Keho a wordo tuma y central a wordo poni na altura.