Diabierna marduga patruyanan a keda mobilisa pa warda di Balashi despues cu a haya notificacion cu tin personanan ta bulando e cura y bezig ta hortando piesa y purba na bay cu un scooter.
Varios unidad a mobilisa y asina a rondona e edificio y asina gara un di e ladronnan mientras un a logra drenta mondi bay direccion pabou. Mientras polisnan ta buscando rond a topa cu un toyota yaris blanco staciona banda di caminda sospechoso y a tuma esaki den beslag unda esaki posiblemente tabata di e malechornan. A controla full den e warda pero no a topa cu ningun hende mas.