Comandante na warda a manda patruya na Aruba Aloe pa un caso di ladronicia. Eynan a papia cu e homber L, kende a declara cu na momento cu el a bay cas e dia anterior di e incidente, el a cera tur porta, bentana y container y laga nan na yabi. Tres dia despues, pa mas of menos 7’or y 20, el a regresa na dicho empresa. El a mira cu desconocidonan a kibra e slot di e containernan. Tin seis container situa banda panort di Aruba Aloe. Cuater slot a wordo kibra. Desconocidonan a reboltea den tur cuater container. Lo bay haci un inventario y notanan kico ta loke falta for di e cuater containernan y lo agrega esaki na e denuncia. Comandante na warda a wordo poni na altura.