Un total di 20 mil florin cu Kapel di Piedra Plat a haya donacion pa por drecha e kapel, a keda horta pa cual aki Dominee Hazenoot ta lamenta algo asina ta pasa na su kapel.
Ladronnan a drenta den e schuur patras di e pastorie. Por bisa cu den e schuur cu al parecer, e ladronnan tabata sa kico tur tabata tin warda den e schuur. Nan a bay cu material cu lo mester uza pa drecha den e renobacion di e Kerki Protestant na Piedra Plat. Ta trata aki di machinenan di marca Makita, cu ta machinenan hopi caro. Ta machinenan cu ta traha cu bateria, mas tanto. Dominee Hazenoot ta di opinion cu e ladronnan cu tabata sa kico nan tabata tin mester. Tambe nan a bay cu un bicicleta, di e Dominee, cual a wordo cumpra na Tri- Bike. tambe e ladronnnan a bay cu algun bicicleta di mucha.
Dominee Hazelnoot a splica cu e materialnan a wordo horta den curso di siman y esaki ta un set back pa nan. Y nan ta hopi desapunta, hopi rabia. A hasta bin boluntarionan di Hulanda, pero aworaki e trabaonan no por sigui. Esaki kiermen cu nan no ta solamente victima di ladronicia, pero tambe e pastorie cu ta na werki, no por wordo drecha ya cu e machinenan a wordo horta.
Mayoria di e materialnan a wordo treci for di Hulanda, hunto cu e boluntarionan. Y ta pesey a kies pa e marca aki, pa asina por uza un solo tipo di bateria pa e machinenan.
Ta hasi apelacion na comunidad, pa ta pendiente ariba tur e rednan social, cu si nan no ta ofrece e aparatonan aki pa bende. Dominee ta enfatiza cu e machinenan ta horta y nan tin mester ti nan urgente. Si cualkier hende tin informacion, por tuma contacto cu Kerki Protestant Piedra Plat, na 585-0775. Of tambe via email [email protected]
Tambe Dominee Hazenoot, ta pidi pa cualkier persona cu tin algun machine cu nan kier ofrece pa yuda den renobacion, pa yega na Kerki Protestant, pa por presta Kerki Protestant, prome cu e boluntarionan di Hulanda bay bek.
E trabaonan di renobacion tin algun retraso door di e ladronica aki. Dominee ta haci un apelacion na e ladron, pa trece e aparatonan aki bek. Pa pensa, ya cu el a drenta sin wordo mira. Pa asina Kerki Protestant no tin mester di sufri bou di esaki. Dominee ta splica cu personalmente, e ta pordona e ladron. Loke el a haci no ta bon, y esaki a haci e dominee dolor y tambe a causa tristeza. Pero e comunidad Protestant di Piedra Plat tambe a sufri cu esaki.
Dominee a pisa cu e ta pordona e ladron, ya cu Señor Hesus ta pidi pa pordona tur esunnan cu a haci bo daño. E hay’e algo dificil pa haci, pero e ta haci’e si. E ta invita e ladron pa trece e aparatonan bek, y yuda e comunidad Protestant.
Na e momento aki, e trabaonan ta cana atrsa, door cu nan no tin e material necesario pa haci e trabaonan. E gastonan aki ta core den careda di miles di florin. Esaki ta placa cu nan no tin. E comunidad di Piedra Plat no ta hendenan rico, nan no tin manera.
Nan ta purba, di cu poco placa, di haci hopi, no solamente pa e Kerki, pero tambe pa e comunidad. Na December nan a entrega paketenan di cuminda na esunnan mas den necesidad. Aworaki nan mester uza placa destina pa yuda esunnan den necesidad, pa haci e trabaonan di renobacion. Y esaki ta algo cu nan no kier haci, pero nan no tin mas placa pa sigui cu e trabaonan, segun Dominee Hazenoot.