Ladronicia di turistanan riba beach ta birando alarmante

Ultimo tempo nos ta scuchando cu ora nos turistanan bay haci uzo di nos beachnan, sea cu nan auto ta wordo horta of e pertenencianan cu nan ta laga atras na canto ta wordo horta pa desconocidonan. Esaki ta un fenomeno cu sigur ta di lamenta mirando cu nan ta esnan cu ta trece entrada pa nos pais. Hopi di nos beachnan, cu no ta cay den e beach policy, no tin servicio nan di locker por ehempe. Esey ta haci cu nan mester cana rond cu tur loke nan tin y si nan kier bay baña den lama, nan tin laga nan atras, cu tin biaha e consecuencia, cu ladronnan ta bay cu nan.
Esey ta loke cu a pasa cu un pareha cu a bay baña riba un beach na Malmok diahuebs, pa mas of menos 11’or y 10 di mainta, ora cu Central a manda patruya di Strandpolitie na Malmok, den cuadro di hortamento for di den un auto. Eynan a papia cu e turista MS, kende a conta cu el a staciona su auto di huur, marca Mitsubishi Lancer color shinishi, na canto di caminda, pabao di un cas na Malmok cerca di beach. El a bisa cu el a pone e yabi di e auto den un tas blauw cu preto, hunto cu su tshirt, cerca di algun piedra banda di e beach. Despues di esey, el a bay baña cu su amiga den lama. Pa ora cu el a sali for di den awa, rond di 12’or y 50, el a ripara cu desconocidonan a bay cu e tas, cu e yabi den dje. Central a wordo poni na altura.

Comments

comments