Comandante na warda ta manda patruya na un High Rise Hotel pa un caso di ladronicia. Eynan e dama D a declara cu den oranan di mainta, el a bay cu su famia na beach dilanti di dicho hotel cerca di e baki di sushi cu ta keda cerca di palapa 606. Eynan nan a laga nan tas di beach riba un stoel y a bay cana riba beach. Un rato despues nan a bin bek y ainda e tas tabata tey. Despues nan a bay na nan camber. Mas di un ora despues nan a bin bek, pero e tas si no tabata tey unda cu nan a lage. D. a declara cu mas tempran tabata tin un pareha tabata cana den e vecindario. El a bisa tambe cu den e tas tabata tin un bril di solo di Ralph Lauren, un bril pa lesa, dos goggle, 2 serbete y algun sunscreen. E., kende ta traha pa Api, a menciona di ta reconoce e pareha yamenciona y lo laga polis sa ora cu e haya nan nomber. Keho a wordo tuma.