Central a manda patruya na un tienda di paña net dilanti di Kok Optica, caminda cu solamente nan ta benda paña blanco, pa un ladronicia. Eynan polis a papia cu e doño G, den compania di un empleado, kende a declara cu un rato prome un grupo di seis hoben for di Rancho, a bay cu algun holoshi. G. a declara en corto cu e no conoce e nomber di e hobennan, pero si e mira nan e ta reconoce nan y e sa cu nan ta anda den Rancho. Banda pabao di e tienda tin un gang chikito cu ta core di Caya Betico Croes pa Klipstraat. Den e gang riba un mesa tabata tin varios articulo na benta, entre otro ced, dvd, cartera y holoshi. Mirando cu e hobennan tabata den grupo, e empleada no por a tira bista drechi di e hobennan. El a declara cu ta e mesun grupo di mucha homber cu a yega di comete varios ladronicia riba e mesun manera. Despues cu nan a bay cu e holoshinan, nan a bay direccion p’ariba. Segun e trahado, e hobennan tabata sinta cinco minuut prome cu nan a bin na altura di e Botica del Pueblo. Tambe na e momento polis a duna di conoce na e denunciante cu na momento cu tabata na caminda pa e negoshi, nan a topa do hoben biniendo for di pariba. E denunciante e cumprado a stop di duna declaracion y a mustra polis e dos hobennan cu un rato prome tabata cu e grupo di hoben. E bendedo a declara cu e hobennan tin e holoshinan bisti. A base di esaki a detene AWS, un studiante di MAVO. E otro sospechoso a resulta di ta AJV, sin trabao, tambe a wordo deteni como sospechoso. E grupo di hoben cu ta procedente di Rancho, lo wordo teni bon na cuenta den cuadro cu robo, atraco, etc.