Diadomingo, pa mas of menos 6’or y 5 di atardi, comandante na warda a manda patruya na Sero Janchi pa un caso di ladornicia. Eynan a papia cu e dama C., kende a declara cu pa mas of menos 11’or di mainta, su ruman homber tabata ultimo na e vivienda. El a laga tur cos intacto y na yabi. Riba e mesun dia, rond di 4’or y mey di atardi, su ruman a bin bek y a wak cu e television a wordo horta. Pa mas of menos 5’or y 45 di atardi, C. a bin cas y a wak cu e porta patras a wordo forsa. Ora cu el a sigui controla, el a wak cu dos otro television mas a wordo horta. El a sigui splica cu su ruman a bay den mondi patras di e cas, y a haya un di e televisionnan. Su ruman homber, hunto cu su sobrina a trece e television bek den e cas. Departamento tecnico y Central a wordo poni na altura.
- Latest
