Central di Polis ta manda un patruya na e adres Cumana 1 (PPG Paints) pa un caso di kiebro. Na e sitio polis ta combersa cu e cabayero A, kende ta declara cu dia 15 di April pa mas o menos 6 or di atardi, el a sali y a laga e luga intacto, tur cos na ordo. Dia 18 di April, pa mas o menos 3 or y 45 di marduga e ta ricibi un yamada di e compania di siguridad cu ta inform’e cu desconocinan a drenta den e luga.
Na su yegada na e negoshi, e ta ripara cu e rolluik a wordo forsa door di e desconocinan. E porta di glas dilanti tambe a wordo destrui y asina nan a logra drenta den e edificio.
Denuncia a wordo entrega y BFTO y Central a wordo poni na altura di esaki.