Central di Polis ta dirigi Strandpolitie pa un high rise hotel relaciona cu’n caso di ladronicia. Na nan yegada nan a papia cu e señora CJ, di bishita ariba nos isla. El a declara cu e tabata hunto cu su famia, rond di e pool. E señora y su mama a laga nan tasnan, color oraño/roos den e matanan tras di stoelnan. Despues nan a bay baña den e pool y laga e tasnan eynan. Ambos tas tabata tin productonan aden y un yabi di auto. Riba e mesun dia aki, pa mas o menos 3 or di atardi nan a ripara cu nan tas no tabata t’ey mas. Despues nan a bay wak den garashi pa check si e auto Chevrolet Equinox V-4520 color blauw tabata den e parkinglot, pero a resulta cu esaki no ta e caso. Di biaha nan a avisa e security guard y polis. A tuma nan datonan y a purba haya e telefon via un otro celular. Mas laat e security a informa polis cu e auto tabata para den e parkeerplaats cu e yabi den e contact. A bay check e imagennan di video pa check ariba e persona cu a bay cu e auto. Denuncia a wordo haci y Central a wordo poni na altura.