Central di Polis ta dirigi un patruya pa un hotel high rise pa un caso di ladronicia ariba un turista. Na e sitio polisnan ta papia cu famia P. Nan ta declara cu nan a bay banda di beach un rato, banda di 5 or y nan a pone nan tas di lama cu bou di palapa nr. 308. Ora cu nan a bolbe bek banda di 6 or, nan a ripara cu e tas a disparce. Nan a bay busca na e departamento di Lost & Found di nan hotel. Polisnan a puntra personal di siguridad di e hotel si nan tin camera den e direccion ey, cual contesta tabata negativo.
Nan a entrega denuncia. Central di Polis a wordo poni na altura.