Durante patruya di rutina banda di Eagle beach, polisnan ta wordo para dilanti Oceania dor di un pareha. E cabayero turista, K a declara cu e cu su casa a bay baña den lama y nan a laga dos tas bou di un di e palapanan. Ora cu nan a bin bek despues di 15 minuut, e dos tasnan a disparce. El a sigui bisa cu nan ta biba seis luna na Aruba y seis luna na Merca. Dia 26 di augustus nan lo regresa Merca. E no a duna niun hende autorisaccion pa bay cu su pertenencianan. Un di e tasnan ta color ros cu strepi blanco, cu dos telefon Samsung, uno blanco y otro preto. Nan sa e marca pero no sa e modelo. Tambe tabata tin 2 Kindle di cual uno tabata biña y e otro preto. Ademas tabata tin 1 boshi yabi cu yabi auto y yabi di cas. E otro tas tabata color beige cu cocoloshi blanco pinta ariba dje cu den dje 3 serbete di lama, 2 goggle y un shimis di lama.