Diasabra un señora den un forma profesional tabata horta den Zara, unda cu e ta hasta kita e material cu ta haci zonido y cu ta pega riba e pañanan. Pero e camara di siguridad a capt’e.
E hecho a tuma luga den oranan di merdia pa atardi y e persona deteni ta e señora L, di 30 aña, naci na Surnam pero biba na Aruba.
Na momento cu Polis a wordo manda na e sitio e persona en cuestion ainda tabata den e tienda. Nan ta papia cu e hefe di siguridad y a splica cu e señora a wordo gara na momento cu e tabata hortando e pañanan.
Prome cu e muhe a bandona e tienda, nan a par’e. E tabatin den su poder un tas preto di cuero. Den e tas ey e tabatin diferente paña nobo y un tipo di aparato cu e ta uza pa kita e labelnan di siguridad cu tin pega riba e mercancianan.
Pa 4.25 a detene e señora di inicial L. y a transporte pa Warda di Polis na Playa. Riba dje mes no a haya nada. Den e tas tabatin blusa di marca Zara; un jeans di marca Zara, un aparato di marca SENSORMATIC.
El a keda deteni pa mas investigacion.