Ladron a bay cu un tesoro di alcohol for di bar

Diaranson, pa mas of menos 5’or y 40 di marduga, Patruya a wordo manda door di Central pa Hoi Sing Bar and Restaurant na Savaneta, caminda cu hende lo mester a kibra e porta dilanti di e luga. Eynan polis a mira cu en berdad cu esaki a sosode, caminda cu e slidingdoor di glas parti dilanti a wordo kibra. Seguidamente polis a mira un piedra riba vloer di e luga. E glas di e slidingdoor tabata cubri cu sanger. Riba e bali por a mira un caha shinishi cu dos boter di alcohol. E caha tabata habri. E aanrecht parti panort di e luga tabata un desaster. Un caha preto tabata habri riba e aanrecht. For di warda di polis, a yama e propietario. El a bin na e luga y a duna keho. Segun e doño yama C., nan a bay cu un boter di Black Labe., un set di Whysky Scoth: Black, Red, Blue, Green y Gold. Dos slof di sigaria: Marlboro cora cu blanco y uno di Richmond, 1 boter di Hennessy y mas of menos 80 florin for di e caha y algun lighter. Departamento Tecnico a wordo poni na altura via Central.

Comments

comments