La Salle College diabierna a saca un anuncio informando tur mayor cu scol lo ta completamente cera for di 4 te cu 7 di mei 2021, e motibo ta cu departamento di Salubridad DVG, a stipula cu un gran parti di e personal/docente di e scol tin cu drenta cuarentena preventivo.
Scol ta pidi tur mayor y alumno cu durante cu scol ta cera pa bishita e plataformanan di facebook, google classroom y mail di scol frecuentemente. Pa motibo cu alumnonan por ricibi diferente informacion importante via e plataformanan aki. Si mayornan cu ainda no tin aceso na un di e plataformanan aki por tuma contacto cu e mentor di e alumno.
E periodo di examen ta cuminsa 17 di mei 2021. Un peticion special ta bay na e candidatonan di examen pa haci bon uzo di e tempo y prepara e periodo di examen final.
Ta spera tur alumno bek dia 10 di mei 2021.
Segun informacion cu nos mesa di redaccion a ricibi ta cu tabatin un happening den koffiekamer sin mask etc y aki un docente cu tabata positivo a pega otro y asina manda tur hende den cuarentena.
