Diabierna dia 1 di maart La Salle College a celebra Carnaval 65 den un manera diferente y creativo.
Ta trata aki di un Soca Lovin Song Contest unda un paar di e alumnonan di La Salle College a pasa dos siman ta prepara pa nan presentacion pa ariba e dia aki. Nan a bini cu nan grupo di baile tambe pa presenta cu un bunita show. Cantantenan di N FUZION, Chayo Tromp, Lyrod Escudero, Marrybell Maduro y Nen Flores a bin para hurado pa e actividad aki. E dia a start cu un show di baile di e grupo ‘LSC Dancers’, cu ta consisti di alumnonan di La Salle College mes.
E alumno Nicole Arango a sali e ganadora absoluto di e Soca Lovin Song Contest. Na di dos lugar a sali Meryleen Maduro y na di tres lugar a sali Marlon Pereira y Joel Derisca cu a presenta como un duo. Despues di e shownan e alumnonan di La Salle College por a disfruta tambe di e performance di nan propio talentonan den cas, Zyqelo Guerrero y Zyqu Guerrero kende a presenta e cantica original ‘Relax’.
Tambe e alumnonan y docentenan di La Salle College por a gosa di bon musica di DJ Ross di N FUZION y tambe di differente performances duna door di Chayo Tromp, Lady Bell y Miguel Maduro di MHMG/ Miiguelxx.
La Salle College ta hopi contento di por a demonstra con su alumnonan y tambe docentenan por a celebra carnaval 65 y pasa hopi pret mes hunto na scol. E tawata un dushi dia cu por a wordo realisa cu e ayudo di sponsors di ‘The Mane Cave Barber Lounge’ y tambe di ‘Boolchands’.