Diamars anochi den Stadion G .Trinidat a tuma lugar diamars e semi final Copa AVB entre e speranzanan berde di Savaneta LA FAMA VS RCA.
Un partido basta lento den e prome minutnan pero tabata La Fama cu a bay ariba na di 13 minuut.
A sigui cu varios intento di ambos banda. Y na 30 minut RCA ta empata e partido. Despues RCA ta haya un penalty pero e keeper di La Fama Joshua Faro ta saca e bala, kitando e speransa di e tricolornan di Solito. Asina prome 45 minut ta termina.
Den e di dos tempo La Fama y RCA tawata busca e goal di bay ariba pero ta La Fama ta logra esaki den un hugada rápido di contra atake.
Den e wega aki mester bisa tanto e keeper Faro y Jaydon Dania ta esnan cu a destaca pa La Fama cu a kibra invicto y asina ta bay hunga final Copa AVB. Mester bisa esaki ta di 2 final pa entrenador Juel Rodriquez .Disabra lo ta e gran final entre La Fama y Nacional pa 8.30 pm den stadion Guillermo Prospero Trinidad na Dakota.