E actriz Mexicano Maria Antonieta de las Nieves, miho conoci como ‘La Chilindrina’ di e serie popular ‘El Chavo del 8’, a anuncia su retiro for di escenario despues di 50 aña.
E artista a confirma e noticia den un entrevista duna n’e medio El Colombiano, publica dialuna ultimo, despues di su participacion den e comedia teatral ‘Los huevos de mi madre’, cual lo ta na Colombia na mei proximo.
“Esaki por t’e ultimo,” e actriz di 74 aña a bisa, ora nan a punter: “Cuanto aña mas mi lo ta riba escenario? Mi no kier causa ningun hende dolor.”
De las Nieves a agrega cu e kier sigui hunga e personahe di ‘La Chilindrina,’ pero no por haci esaki “cu e mesun entusiasmo y e energia di e bailenan y di e coreografia.”
E actriz a wordo reconoci pa Guinness World Records na november 2021 pa tin e carera profesional mas largo di un actriz interpretando e mesun personahe infantil.
Ora nan a entrega e plakkaat, el a indica cu e tabatin 48 aña y 261 dia como ‘La Chilindrina’, contando for di 20 di juni 1971 te cu dia 6 di maart 2020.
Gira teatral
Den e entrevista, e actriz Mexicano cu ta spera ‘un gira largo, bastante extenso’ cu e obra teatral ‘Los huevos de mi madre’, e comedia skirbi y co-protagonista p’e Colombiano Fernando Botero, prome cu e anuncia su retiro for di escenario.
Den e comedia teatral, contrario na su personahe di ‘La Chilindrina’ cu ta un mucha di 8 aña, e ta hunga un muhe segun su edad.
“Mi ta encanta, feliz cu mi bida, y mi ta pensa cu ta un gran oportunidad pa mi pa demostra cu ainda mi por hunga un muhe di sesenta. Cu e mesun cariño cu mi tabatin pa ‘La Chilindrina’, mi ta pon’e esaki den e mama di ‘Los huevos de mi madre’,” el a comenta.=