Durante e didos siman di September La Cabana Beach Resort & Casino a honra cu team di housekeeping, durante International Housekeeping Week. Tur aña, departamentonan di housekeeping rond mundo ta ricibi shete di di reconocemento pa nan contribucionan grandi y dedicacion na tene e negoshi operando den condicion optimal.
Na Aruba, La Cabana Beach Resort & Casino e maravilloso, damas y cabayeronan fuerte, miembronan di team di housekeeping, ta un di e rasonan cardinal pa cual e hotel tin asina bon nomber cu su clientele. Nan ta mantene un nivel halto di limpiesa y organisacion, danki na e trabou consecuente di e departamento.
Housekeeping Week 2019 tawata yen di actividadnan divertido manera un reunion social den oranan trempan di mainta den oficina cu DJ Ito tocando musica alegre den honor di e super-heroenan di housekeeping. E departamento a disfruta di un les di Zumba, un tremendo BBQ riba rif y un 3-course lunch especial sirbi pa nada menos cu e hotel su staff di Management.
Durante lunch, Assistant General Manager Jessica Franken a duna un tributo di curason na e departamento di Housekeeping, gradiciendo ful e team pa e trabou incansable y dedicacion durante e aña, y pa surpasa expectativa constantemente, cumpliendo cu necesidadnan di guest y contribuyendo cu e hotel su lema di “Creating a Memorable Vacations”.
Danki na e team completo di Housekeeping pa boso tremendo trabou, pa hasi boso best continuamente y pa ofrece servicio excelente na e guestnan valioso tanto externo como interno.