La Cabana Resort & Casino hunto cu City Inspector ta lansa e #Trash#. Pa hopi aña e hotel tabata tin e certificado mas halto den medio ambiente, unda cu nan ta convenci cu La Cabana ta cuida e medio ambiente. Sr. John Najjar, General Manager di La Cabana Beach Resort a splica cu nan ta yuda e comunidad tambe door di contribui den varios programa, manera Clean A Mile, cu ta consisti di piki tur e sushinan ariba e tereno di e hotel y e beach. Durante aña La Cabana ta contribui cu e campaña di limpiesa di e rifnan. Nan tin e posicion di Safety & Environmental Manager, cu ta responsabel pa keda al dia pa tur e responsabilidadnan medio ambiental, como tambe for di e punto di bista di un medio ambiente sostenibel.
For di aña 2000, La Cabana Beach Resort ta envolvi den locual ta medio ambiente. Semper nan a duna bek na comunidad. Como un di e prome resortnan, y como algo unico, la Cabana a crea dos posicion den pasado, cu ta un un Enviromental Steward y un Environmental & Safety Manager.
Sr. Frank Sabajo, Environmental Safety Manager, ta orguyoso di ta forma parti di e team di La Cabana. E management Team desde e prome dia nan a kere cu no por traha sin tene e medio ambiente na cuenta. Pero La Cabana ta bay tur cu tin pa duna bek na e comunidad di Aruba.