La Cabana Resort & Casino ta celebra Siman di Housekeeping tur aña cu un programa di actividadnan bon detaya, interno y externo, den un esfuerso pa mustra aprecio na e gran contribucionnan di e departamento.
E actividadnan asigna ta diseña pa entretene, premia y trece alegria na e empleadonan aki cu ta traha asina duro, pero e aña aki pa via di Covid-19 a celebra e siman na un escala mas chikito. Sinembargo, tur dia a trece cu ne momentonan di aprecio na e departamento di Housekeeping, dedica na e protocolnan nobo di Higiena y Limpiesa, cual nan ta cumpli cu ne den cambernan y espacionan publico.
International Housekeeping Week, IEHA, ta wordo celebra mundialmente desde aña 1981, manera un siman special pa concentra riba e atencion y reconocemento di profesionalnan den housekeeping trahando den hotelnan, resorts, y otro facilidadnan publico, manteniendo un ambiente mas limpi, sano y saludabel pa nos tur, pa tur dia den siman.
Nos team di Housekeeping, segun General Manager Joe Najjar, ta dedica na brinda excelente servicio y yuda na crea vacacionnan memorabel pa nos bishitantenan.
Fuera di diferente treat durante e siman, tur miembro a ricibi un generoso Gift Card di Do It Center, na unda nan por shop na nan conveniencia. Team, masha danki pa tur loke boso ta haci, dia aden y dia afo. Bo pasion ta wordo reconoci, admira y grandemente aprecia.