E asociadonan y miembronan di gerencia di La Cabana Beach Resort & Casino a reuni pa celebra y reconoce nan superheroenan di servicio durante e ultimo kwartaal di 2018.
E evento, cu a wordo plania y ehecuta pa e Eagle Team y departamento di Recurso Humano, a honra e asociadonan cu a brinda excelente servicio durante 2018, y a comparti logronan di e hotel y asina creando vacacionnan memorabel continuamente.
E premionan a wordo otorga den varios categoria segun e puntonan di Medallia, un sistema caminda cu e huespednan ta duna nan feedback y esaki ta wordo comparti cu tur stakeholders, cu e deseo di interpreta e datonan y mehora e funcionamento di e compania y tambe tur otro aspecto di satisfaccion di e cliente.
E ganadornan di e ultimo kwartaal di 2018 ta lo siguiente: e asociado mas menciona riba Medallia, Nixon Castillo; e nobato mas menciona, Lucienne Ras; e score cu mas a mehora, Housekeeping; miho punto compara cu 2017, Activities Department; e miho lunch cu thema ta Front Office y e punto cu mas a mehora y punto mas halto di AOS 2018 a bay pa Activities Department.
E forum tambe a celebra e superheroenan di Front Office, Dominico Heyden, Gigi Jaranilla y Jhonier Castro; superheroenan di Owners Services Nathalie Wouters y Desiree Henriquez; E superheroenan di Central Dispatch Nicolasa Ventura, Miguel Martinez, Soledad Amaya, Adelmo Santiago y Rocio Velásquez y asociadonan cu a wordo promovi durante e luna di januari Sudi Guda, Sandra Campos, Amaris Werleman, David Maduro, Janet Reid, Adriana Danje y Nixon Castillo.
E Executive Committee a probecha di e oportunidad pa revela e balornan nobo di e hotel, pa ser manteni na halto, y nan ta liheresa, aprecio, excelencia, integridad, innovacion, obsesion cu e huespednan y continuamente scucha nan y test, mehora y personalisa nan experiencianan.
Un pabien na tur e ganadonan y nominadonan pa continuamente duna un excelente servicio, crea vacacionnan inolvidabel pa e huespednan y un ambiente di trabao igual di memorabel pa e asociadonan.