Bureau City Inspector orguyosamente, conhuntamente cu La Cabana Beach Resort lo ta bay ta encarga cu’n parti di Aruba, unda cu nan lo ta adoptando algun luga pa e parti di limpiesa.
Sr. Robby Rosel a splica cu nan a wordo acerca door di La Cabana cu tabata buscando algun luga pa e parti di limpiesa. Y cu hopi orguyo nan a bisa di lo yudanan, cu cual nan a bay di acuerdo; asina tambe ta bay laga La Cabana Beach Resort adopta Rosario College, caminda cu dilanti di e scol tin basta sushi cu ta wordo tira na e scol aki.
A yega na e decision hunto cu Sra. Maureen pa por haci esaki y cu lo splica tocante e fechanan.
Pa prome biaha Bureau City Inspector ta traha hunto cu’n hotel hunto cu La Cabana, cu tin vario saña aki na Aruba. E ta un hotel cu sigur tin Aruba na pecho. No solamente e turismo pero tambe nos localnan, pa loke ta e limpiesa aki na Aruba.
E contribucion di BCI ta unda cu e trahadonan tambe lo ta presente pa dirigi tanto e parti di limpiesa pero tambe e sushedad y unda Serlimar ta haciendo e parti di bobcatnan pa por haci e parti aki limpi. Te aki Sr. Robby Rosel, vocero di City Inspector.
Sra. Maureen Kelly di La Cabana Beach Resort a bisa cu nan ta purba di yuda den tur area di e comunidad di Aruba. Mensualmente nan lo purba di contribui cu un otro scol of un otro luga, cu lo por yuda den cualkier necesidad cu nan por tin. E ekipo lo varia, bo por haya un grupo di 10, 20 of 30 persona, consistiendo di diferente departamento.